Mipasalig ang Department of Health Regional Office 10 nga sutaon una nila ang gihimo nga lakang sa kagamhanang lokal sa Ozamiz City, Misamis Occidental kalabot sa pagbutang sa mga “cautioned tapes” sa panimalay sa mga indibidwal sa maong syudad nga nagpositibo sa COVID-19.
Sigun ni DOH-10 Regional Director Dr. Jose Llacuna Jr., nga basi sa general guidelines National-Inter Agency Task Force on Emerging Infectious Diseases nga kinahanglan nga i-isolate ang usa ka COVID-19 positive ug ibutang sa quarantine facility ang mga close contact niini.
Hinuon dunay katungod ang Local Health Office o kagamhanang lokal sa pagpatuman sa unsa man nga lakang basta ma-haom lamang sa gabayan.
Subay niini gitahod ni Commission on Human Rights Northern Mindanao Regional Director Jeanne Ivy Abrina ang maong paagi, apan nagpahinumdom kini sa tanang local government units nga kinahanglang mapabiling makatarunganon ang pagpatuman sa usa ka lakang.
Kahibaloan nga napamatuman ang maong inisyatiba homan dunay panimalay sa maong syudad nga unta naka-quarantine, apan migawas ug misupak gihapon sa ordinansa.