ILUSAD ning adlawa Abril 15 dungan sa adlawng natawhan ni Founder, CEO ug Chairman sa Brigada Group Elmer V. Catulpos ang End Stunting Now Advocacy Symposium alang sa tanang mga buntis.
Ipahigayon kini sa 15 ka mga Brigada News FM stations nationwide asa maghisgot sa topiko may kalabutan ang stunting o pagkabansot.
Sa BNFM News FM Gensan, ipahigayon ang End Stunting Now Advocacy Symposium sa Robinsons mall of GenSan, sugod alas 8 sa buntag.
Pipila sa mga inilang eksperto, nutritionist ang giimbitahan aron maghisgot sa nagkadaiyang topiko kalabot ang stunting o pagkabansot.
Dungan niini adunay ipanghatag nga libreng maternity kits ug libreng check-up alang sa mga buntis. Kabahin usab kini sa “handog pasasalamat” sa Brigada Group alang sa mga gasuporta sa mga programa ug produkto sa Brigada ug sa mga nagaduso sa End Stunting Now Advocacy. Ang End Stunting Now Advocacy ang programa sa Brigada Group ilalom sa Brigada Foundation nga gipatuman ug gipakaylap sa Brigada News FM GenSan ug uban pang mga Brigada FM stations sa tibuok nasud kauban ang mga supporters sa 1Tahanan.