IBAWAL na dinhi sa Davao City ang pagbaligya og paggamit sa mga hydrogen-filled balloons nunot sa naaprubahang ordinansa kabahin niini.
Tumong niini aron mahunong na ang paggamit sa maong matang sa balloon sa tanang business, leisure, entertainment, sports, ug social activities nga saranmg makadaot sa tawo ug kinaiyahan.
Sumala kang City Councilor Maria Belen Acosta, ang paggamit sa sa hydrogen gas posibleng mamahimong hinungdan sa mga sunog ug kini lamang maoy bugtong puntirya sa ordinansa.
Multa nga P1,000 sa unang offense, 3,000 pesos sa ikaduhang offense ug P5,000.00 sa ikatulog pagsupak kalakip ang usa ka tuig nga suspensyon sa business permit sa usaka establisyemento.