Pagkalumos patay sa 7-anyos nga bata sa resort takdang hisgotan sa pulong sa Brgy Olympog

TAKDANG pagahisgotan sunod semana sa Barangay Olympog ang nahitabo nga pagkalumos patay sa 7-anyos nga batang lalaki sa resort sa Balakayo, Brgy Olympog nakalabay nga semana dungan sa pakig-atubang sa tag-iya.

Sumala ni Brgy Captain Abeto Gulle dili usa niya tugutan nga adunay mga tawo nga mangaligo sa resort hangtod nga dili makapakita og mga dokumento ang tag-iya nga si Kag. Rey Cardeá¹…o nga magpamatood nga adunay permit ang resort. Buot niini nga malikayan ang pagkadisgrasya sa mga tawo nga mangaligo ug sigurohon sa tag-iya nga adunay ibutang nga tawo nga magbantay sulod sa nasangpit nga ligoanan.

Gibutyag sa opisyal atol sa pagkalumos sa bata wala matud pa nakabantay ang ginikanan lakip ang mga tigbantay nga lifeguard. Apan segun niini labing importante nga adunay mga karatola sa sulod sa resort nga magpahinomdom kung asa kutob itugot nga mangaligo ang mga bata ug e-doble ang pagbantay lakip ang pagbutang og mga safety barrier aron dili dayon makaadto sa lalom nga ligoanan ang mga bata ug masiguru nga luwas ang tanang mangaligo. I Enamie Mogpon

Leave a Reply

Your email address will not be published. Required fields are marked *