GIKAGUBTAN sa mga lumalabay sa Pioneer Ave ang kalit nga pagdilaab sa usa ka tricycle pasado alas singko sa hapon Setyembre 13, 2023. Base sa video ni Mhon Tilum makita ang pagdilaab sa tricycle nga nag sugod sa tangke ug nikutay sa uban pang parte niini.
Usa matud pa ka kolektor sa usa ka fast food chain ang nanag-iya niini asa gitabangan usab ang driver pinaagi sa paghatag og fire extinguisher nga maoy nakatabang usab sa paspas nga pag apula sa sunog. Gituohang problema sa wirings ang hinungdan sa maong sunog. Sumala usab sa BFP Gensan nga wala na matud pa kini gireport ngadto sa ilang buhatan.
Padayong pahimangno sa mga otoridad nga kanunay icheck ang mga behikulo una gamiton aron malikayan ang susamang insidente. I MJ Fernandez