Paglagsik sa ekonomiya sa Soccsksargen, wa natagamtaman sa gagmay’ng negosyante

DUNGAN sa datus sa Philippine Statistics Authority (PSA) sa Soccsksargen asa gibutyag nga milambo ang ekonomiya og naa sa P503.64-B atong 2022.

Sukwahi kini sa pamahayag sa pipila ka gagmay’ng negosyante sa gensan nga sila nagkanayon nga wala nila nasinatian ang kalamboan atol ug human ang Covid-19 pandemic.

Miundang sa pagpamaligya sa ilang tindahan ang duha ka vendor sa palengke dungan sa pag-igo sa pandemya. Mibalik sila human nagluag ang restriction sa pagtuo nga molagsik ang palit apan hangtud karon wala gihapon nakarekober tungod sa kahinay, butyag ni Pepay Matulungin, tindera.

Luyo niini, buot ni Riza Gabales, tag-iya og tindahan sulod sa palengke nga bisan paman wala pa hingpit nga nakarekober, naglaom sila nga matagamtaman ang gikarngong paglambo sa ekonomiya. Una nang, gibutyag ni Maqtahar Manulon, PSA-12 director, nga ang total value sa final goods ug services produced sa rehiyon, ang gisukod pinaagi sa Gross Regional Domestic Product (GRDP), atong 2022 mibarog sa P503.64 billion ug constant 2018 prices, taas sa P472.51 bilyon nga narecord atong 2021.

Asa services ang dunay dakong share sa regional economy nga naa sa 48.9 percent atong 2022, diriyot nga taas tandi sa 47.0 percent share atong 2021. Miubos usab ang share sa industry sa 24.8 percent atong 2022 gikan atong nakalabay’ng tuig nga naa sa 25.4 percent.

Ang agriculture, forestry, ug fishing nakatabang og 26.4 percent sa region’s total economic output atong 2022, ubos sa 27.6 percent share atong 2021. I Richel Gubalani

Leave a Reply

Your email address will not be published. Required fields are marked *