Paglingkod sa OIC city treasurer sa GenSan gihulat aron makasweldo na ang mga empleyado

MAGPAHIGAYON pa og turn over alang sa magsilbing OIC city treasurer pinaagi ni Jeany Tedera, ang regional director sa BLGF-12 aron makasweldo na ang mga empleyado sa LGU-GenSan.

Kini ang gibutyag ni Merilyn Balabat, local treasurer operation 4 nga naghulat na lang sila sa turn over sa mga libro, dokumento ug uban pa sa magsilbing OIC City Treasurer aron makasweldo na ang mga empleyado ingon man mga Job Order workers.

Samtang gikumpirma ni Balabat nga apil siya sa tulo nga girekomenda sa mayor nga mahimong city treasurer human magretiro si Rodilon Lacap.

Apan sa karon giangkon niini nga kulang pa sila og requirements nga mao Basic Competency on Local Treasury Examination kun BCLTE ug mag-agad sila sa resulta niini.

Nasayran nga Oktubre 10,2021 ang unang pag-aplay ni Balabat sa BCLTE apan nasibog tungod sa pandemya ug gi-reschedule karong Abril 24, 2022 hinungdan nga mulongtad pa sa pipila ka bulan ang pagsilbing OIC City Treasurer ni BLGF-12 regional director Jeany Tedera.

Leave a Reply

Your email address will not be published.