Anaa na sa 27 ka mga anti- illegal drug operations ang natala sa kapolisan dinhi sa dakbayan San Carlos samtang 54 ka drug personalities ang nadakpan gikan niadtong Enero ,2021 hantud karong bulana.
Kini base sa report nga gipakita sa kapolisan San Carlos kagahapon pinaagi ni Police Lt Roby Aurita .
Base sa ilang report sa maong operasyon kapin usa ka milyon na nga balor sa suspected shabu ang ilang nasakmit samtang 124k usab nga balor sa marijuana.
Gisaysay ni Lt. Aurita sa 18 ka barangay dinhi sa dakbayan San Carlos , 3 ang moderately affected, 10 ang affected samtang lima ka barangay ang drug-cleared na.
Gitataw usab ni DILG Officer Ms. Danille Marie Osorio nga bisan ug dunay mga barangay nga drug cleared na , gikatakda gihapon silang susihon pag-usab ug sayron basin dunay mga drug personalities o mga illegal nga aktibidad nga nahitabo sa maong lugar.//