LEGAZPI CITY – Tatawan-doon an pagpapakusog sa food security sa probinsya kan Albay sa pagselebrar kan ikatulong taon kan Filipino Food Festival 2024.
Ini segun mismo sa pamayo kan Albay Provincial Tourism Culture and Arts Office (PTCAO) na si Dorothy Colle, kun sain ipighayag kaining nakatalaan na isagibo an selebrasyon sa maabot na bulan kan Abril.
Segun kay Colle, igwa ini nin temang ‘Hapag ng Pamana: Philippine Food Festival 2024’, kun sain obheto kaining ibusol an pagpapakusog kan food security sa probinsya.
Dugang pa kan nasambit na opisina, ipo-promote digdi an regional culinary heritage tampok an local asin authentic cuisine.
Katabang man kan PTCAO an manlain-lain na mga stakeholders nganing matrayumpo an nasambit na aktibidad.