Pagpalit sa LGU-CDO sa mahalon nga police patrol cars, gipa-agi sa saktong proseso

Mi-agi sa saktong proseso ang pagpalit sa mga mahalon nga sakyanan nga gidonar sa kagamhanang lokal sa syudad sa Cagayan de Oro ngadto sa Cagayan de Oro City Police Office.

Kini ang gibutyag ni Committee on Police, Fire and Public Safety Chairman Councilor Romeo Calizo homan hingpit nga na-turn-over ang mga bag-ong salakyan sa napulo ka police stations sa syudad.

Gipasabot sa Konsehal nga ang pundo sa pipila ka sakyanan na-aprubahan sa kanhi 19th City Council ug ang uban na-aprubahan ning kasamtangan nga 20th City Council.

Kahibaloan nga muabot sa napulo ka Toyota Fortuner nga Police Patrol Cars nga mokantidad sa kapig 20-milyones pesos ang gidonar sa syudad ngadto sa COCPO, gawas pa kini sa walo ka roving motorcycle nga gikan mismo sa pamilya ni City Mayor Rolando Uy.

Leave a Reply

Your email address will not be published.