PAGPAMIYEMBRO SA KOOPERATIBA SA MGA DRIVER UG OPERATOR ARON MAHATAGAN OG PRANGKISA, DILI MAOY IDEYA SA COOPERATIVISM – ATTY.CLOMA

NASUKWAHI sa ideya sa cooperativism ang pagpugos sa pag-apil sa kooperatiba sa mga driver ug operator sa trisikel sa GenSan bag-o mahatagan og prangkisa.

Kini ang panglantaw ni kanhing Kagawad Atty. Art Cloma, kanhing chair sa Committee on Transportation sa Sangguniang Panlungsod nga subay sa nalatid sa Transportation Code sa GenSan ang maisyuhan og prangkisa mao ang natural person ug wala nakabutang nga juridical o organisasyon.

Sa pagkahibalo usab ni Atty. Cloma wala nalatid sa Transport Code nga gapamugos nga mag apil sa kooperatiba, apan may representative lang gikan sa kada cluster sa MTFRB nga miyembro sa kooperatiba nga rehistrado sa CDA.

Apan gitino usab niini ugaling mao ang plano nga magpamiyembro sa clustered cooperative ang mga driver ug operator kinahanglan unang amiendahan ang Transport Code.

Sogyot na lamang ni Atty. Cloma nga magpahigayon og thorough consultation ang LGU aron maresolba ang tanang pangutana.

Sa bana bana sa kanhi konsehal anaa sa 46K ang mga nagabiyahean nga trisikel sa GenSan ug anaa lang sa kapin 9K ang gustong mahatagan og prangkisa sa syudad.

Leave a Reply

Your email address will not be published. Required fields are marked *