Pagpanglimpyo sa tungkaran sa PRO-12, nagpadayon- director

NAGLAOM ang labaw sa kapulisan nga walay ranking official sa Police Regional Office (PRO-12) nga naapil sa gidawat nga resignation.

Ang pamahayag ni Police Brig. Gen. Jimili Macaraeg, director sa PRO-12 ang dungan sa pagpagula og impormasyon sa higher headquarters kalabut sa pagdawat na sa gisumiteng courtesy resignation sa 37 opisyal gikan sa 957 kinatibuk-ang nagsumite niini.

Asa mokabat 15 tag-as nga opisyal sa PRO-12 lakip si Macaraeg ang nagsumite og courtesy resignation atong Enero dungan sa panawagan ni Department of Interior and Local Government (DILG) Secretary Benjamin Abalos.

Dungan sa pagkakumpiska sa 990 kilos sa shabu nga nagkantidad og P6.7 billion sa Manila nakalabay’ng tuig asa gilambigit ang usa ka pulis. Dugang ni Macaraeg, sa ilang level padayon ang ginahimong internal cleansing sama sa lifestyle check sa ibutang nga labaw sa presinto.

Lakip na sa mga drug enforcement unit gikan sa regional office hangtud na sa mga presinto. Tumong ang malikayan ang paglambigit sa maong mga opisyal sa aktibidad sa gidiling droga.

Abril 10 sa gabii, gibutyag ni Abalos nga dunay 10 ka ranking sa PNP nga gimandu niini nga mag-leave of absence o moatubang og suspension. Human sa alegasyon nga cover-up sa pagkakumpiska sa maong kantidad sa shabu gikan sa gitanggal na sa serbisyo atong 2022 nga si Police Master Sergeant Rodolfo Mayo. I Richel Gubalani