CAUGHT in the act, ang insidente pagpanulis sa usa ka convenience store sa dalang Aparante atubangan sa usa ka subdibisyon sa Barangay City Heights, GenSan, halin sa tindahan natanggag.
Sapol sa CCTV ang pagpanulis sa duha ka lalaki sulod sa usa ka convenience, sa bidyo alas-11:34 sa buntag dihang gisuload sa establisimento. Kita sa CCTV si alyas Perlyn nga nagbantay sa tindahan, dihang kalit nisulod ang duha ka lalaki nga pulos nakasuot og itum nga sanina, nagpakaarong-engnon pa kining mamalit apan taod-taod mideklara na og tulis.
Butyag sa tag-iya sa convenience store nga si Monien Mayo, mokabat sa P5,000 ang kinatibuk-ang nadagit sa mga kawatan sa pagpanulis sa iyang tindahan. Kasamtangan, padayon ang gihimong imbestigasyon sa insidente apan giangkon ni Police Capt. Danny Balofiños, hepe sa San Isidro Police Station nga dako og tabang ang klaro nga kuha sa CCTV camera sa tindahan.
Pahimangno usab ni Balofiños sa mga establisimento nga naa sa iyang lugar nga ginsakopan nga pakusgan pa ang pagbutang og seguridad aron malikayang mabiktima sa mga kawatan. I Richel Gubalani