Pagpapatuloy ng allowance sa mga healthworkers ipinag-utos ng Pangulo

Tiniyak ni Pangulong Bongbong Marcos na magpapatuloy pa rin ang COVID-19 allowance para sa mga healthcare workers sa bansa.

Kung matatandaaan – sa oras na nag-expire na ang deklarasyon ng nationwide state of calamity dahil sa pandemic, mawawalan na rin ng bisa ang mga inisyung emergency use authorization sa mga bakuna, at mapapatid na rin ang ilang mga benepisyo para sa mga frontliners.

Sa pulong ni Marcos kasama ang mga opisyal ng Department of Health (DOH), sinabi niyang isa ito sa mga kinokonsider nila nang hindi na i-extend ang state of calamity na napaso sa huling araw ng 2022.

Sa kabila niyan, ipinag-utos niya pa rin daw ang pagpapatuloy sa compensation ng mga health workers.

Samantala, maliban sa allowance ay natalakay din sa meeting ang pagpapatuloy sa implementasyon ng Universal Health Care Act.

Nanghingi rin ng update ang Pangulo para sa nakatakdang pagdating sa susunod na buwan ng nasa 1 milyong dose ng mga bivalent vaccines na di-nonate ng COVAX.
#

Leave a Reply

Your email address will not be published. Required fields are marked *