ROXAS CITY, CAPIZ—Ginkondena it Capiz Provincial Government do pagpatay kay Pilar, Capiz Municipal Administrator John Heredia sa bahin it Brgy. Lawaan, Roxas City ku Mayo 2, 2021.
Nagpaabot it pag-ugyon sa kasubo do provincial government sa pamilya it biktima kung siin ginmandu eon ni Governor Esteban Contreras sa mga pulis do pagpatigayon it maid-id nga imbestigasyon sa krimen para mataw-an it hustisya do pagkamatay ni Heredia.
Nauna eon nga ginpahayag it asawa kara nga si Atty. Cris Heredia nga nakabaton it death threat do ana nga mister antes raya barilon-patay it riding in tandem.
Samtang, daywang anggulo man do ginasundan makarun it mga pulis may kaangtanan sa pagpatay sa biktima.
Sambilog kara kung raya baea hay may kahilabtanan sa ana nga trabaho ag do ikaywa hay do ana nga pagsuporta sa National Task Force to End Local Communist Armed Conflict (NTF-ELCAC).
Nasayuran nga si Heredia hay do pinakamabuhay nga nagpungko bilang chairman it National Union of Journalists of the Philippines (NUJP) Capiz Chapter ag naging miyembro man it NUJP national board of directors. // SHERRY ANNE REUNIR-VIDAL