Naging matawhay ru pagpatuman it curfew hour sa alas 10:00 sa gabie hasta alas 4:00 sa aga-aga sa bilog nga banwang Kalibo.
Base sa record it Kalibo MPS, uwa it may nai-record nga kaso’t pag-eabag matapos mag mando it mahigpit nga implementasyon si Kalibo Mayor Juris Sucro.
Kun matandaan, uman nga gin balik ru nasambit nga ordinansa it Kalibo matapos mapan-uhan nga haeos mga menor de edad ru imbolbado sa kaguluhan sa des oras it gabie.
Suno kay Sucro, kun indi taw-an it action ru problema sa mga menor de edad hay maga apekto sa peace and order nga sitwasyon it nasambit nga banwa.
Samtang, una man ru kooperasyn it mga ginikanan sa pagsunod sa nasambit nga ordinansa.//MARIVIC Y. ILIN