Pagpatuman sa modular classes tungod sa nasinati nga kainit, gihangyo sa Association of Concerned Teachers-7

Pormal nga nihangyo ang Association of Concerned Teachers sa Central Visayas (ACT-7) sa Department of Education (DepEd) alang sa dinalian ug hini-usa nga pagpatuman sa modular classes subay sa nasinating taas nga heat index sa Sugbo og sa ubang bahin sa rehiyon.

Sa usa ka pamahayag, ang ACT-7 nagkanayon nga ang ilang hangyo subay sa Department Order no. 037 series of 2022 nga nag-ulohan og “Guidelines on the Cancellation or Suspension of Classes and Work in Schools in the Event of Natural Disasters, Power Outrages/Power Interruptions, and Other Calamities.”

Kini mao ang proactive nga paghatag og temporaryo nga mga solusyon sa nagkadako nga mga kabalaka sa mga problema nga may kalabutan sa panglawas tungod sa taas nga lebel sa temperatura.

Ang ACT-7 ni-apelar usab sa ahensya nga ibalik ang pagbukas sa school calendar ngadto sa Hunyo aron mas mohaum kini sa kahimtang sa panahon sa nasud.////