PADAYON ang pagkalugi sa mga mag-uuma kung magpadayon ang gipatuman sa gobyerno nga price ceiling sa bugas, pagbaksag sa farmgate price sa humay.
Imbes ginansiya ang iphon, bukol ang giihap sa mag-uuma nga taga Gensan dungan sa pagkalugi, human mihagsa ang presyo sa humay. Sa pamahayag ni Elizaldy Rabaca, mag-uuma sa Barangay Lagao, GenSan wala sa timing ang pagpatuman sa price ceiling sa gobyerno ug kung mahimo kini ang tanggalon.
Giangkon sa Department of Agriculture (DA) 12 nga sila ang nakurat sa gilayong paggula sa mandu sa Pangulong Ferdinand Marcos Jr. Apan dunay mga impormasyo nga migula nga hangtud lang duha o tulo ka semana ang pagpatuman sa price ceiling.
Dugang ni Abdulkadil Ango, chief sa agribusiness and marketing assistance division (AMAD) sa DA-12 sa karon isip suporta sa mga mag-uuma. Nagpadayon ang pagpanghatag nila og support service pinaagi sa local government unit (LGU) alang sa mga rehistrado sa Registry System for Basic Sector in Agriculture (RSBA). I Richel Gubalani