GIPABURAN sa pipila ka mga tricycle drivers ang implemetasyon sa resolusyon nga naga hangyo sa mga driver nga magbutang sa ilang ID sa ilang sakyanan aron mailhan sila sa ilang mga pasahero.
Ang Vice President sa Fujitoda nga naga turno sa Roxas Avenue nga si Heracleo Singzon nagsulti nga sa ilang bahin nagpahimo gilayon silaoug ID unya gasto kini sa ilang asosasyon, nalipay usab sila kay positibo ang feedback nga ilang nakuha sa ilang mga pasahero.
Samtang ang Pangulo sa Nagkaisang Yellow Plate Tricycle Drivers Association nga si Roberto Gallo nagasulti nga sa wala pa ang resolusyon aduna na silay naunang ID gumikan aduna silay kooperatiba ug walay problema kanila ang mag display og ID sa Tricycle.
Kahibaluan nga adunay uban nga wala pa nahibalo sa katuyoan sa ID, mao nga nag post sa social media ug nagapangutana kon lihitimo ang pagpa ID.
Sumala sa labaw sa City Transport ang Traffic Management Division nga si Retired Col Maximo Layugan nga alang sa safety sa pasahero ang ilang implementasyon sa ID, gumikan sa nahitabo sa usa ka batan-ong babaye nga sumala pa na abusohan sa driver. I Ver Diazon