Pagsaka sa kaso sa HIV sa GenSan, gikabalaka sa labaw sa CHO

NAKABALAKA ang labaw sa GenSan City Health Office (CHO) sa pagsaka sa kaso sa Human Immunodeficiency Virus (HIV).

Matud ni Dr. Rochelle Oco, acting head sa CHO tungod sa diriyot nga pagsaka sa kaso HIV sa GenSan asa nagkabata ang nag-angkon niini.

Nakig-alayon na sila sa Sangguniang Kabataan (SK) federation ug Youth Affairs Division Office (YADO) aron makatabang pag-educate kalabut sa HIV. Aron usab maawhag ang dunay ‘multiple partner’ nga magpahiling sa City Social Hygiene clinic tumong masuta ang HIV status.

Gikaengon nga sagad sa na test ug nasuta nga positibo sa HIV mao ang lalaki nga nakighilawas sa lalaki. Dugang sa opisyal, usa sa nakita nilang rason sa pagsaka sa HIV case partikular na sa batan-ong Pilipino. Mao ang matud pa kakulangon sa kaalam kalabu sa gitawag nga ‘safe sex’ asa daghan ang wala migamit og condom sexual contact.

Naka-activate na usab ang Rural Health Unit (RHU) ug nadugang na og doktor ug medical technician aron matutukan ang kaso sa HIV. ( Rich Gubalani)