GIKABALAKA sa Save the Children Philippines ang pagsaka sa ihap sa mga bata nga nabutang sa peligro gikan sa online sexual abuse ug exploitation gikan atong Covid-19 pandemic.
Asa dunay mga pamilya nga buot og dali nga kwarta tungod sa kapobrehon samtang atong panahona wala pa gitugotan nga mogawas ang mga bata sa panimalay.
Giduso sa Sangguniang Panlungsod (SP) ang paghimo og ordinansa aron protektahan ang mga bata batok online sexual abuse ug exploitation. Buot sa usa ka grupo nga makaangkon ang siyudad og ordinansa tumong protektahan ang mga bata sa tanang porma sa pagpangabuso, butyag ni Ivy Caballes, field officer sa Save the Children Philippines.
Sa bahin ni Jocelyn Arzaga, City Social Welfare and Development Office (CSWDO) child sector focal person, gikan pagsugod nila sa pagdatus sa online abuses ug exploitation atong 2020 hangtud karon, dili moubos sa 30 ang natala nila.
Kini mao usab ang naluwas nila gikan sa sagad kabana yang maoy naghimo sa pagpangabuso sa mga bata, asa 9-anyos ang labing bata nga biktima sa pagpangabuso ang naluwas.
Kahibaloan nga base sa pagtuon ang pilipinas ang giila karon isip global hotspot for online sexual abuse and exploitation (OSAEC). Ang nasud ang gikonsidera nga usa sa nasud nga source sa child abuse materials. I Richel Gubalani