Pagtaas sa kaso sa COVID sa CDO, gikabalak-an!

Nabalaka si Cagayan de Oro City Mayor Oscar Moreno sa pagtaas sa kaso sa COVID 19 sanglit makaapekto kini sa Critical Care Utilization rate nga anaa na sa 63.37% diin kung moabot na sa 70% mahimo nang mabutang sa high risk ang syudad sa Cagayan de Oro sa hisgutanan sa isolation beds, intensive care units ug ventilators.

Matud ni Mayor Moreno posibleng mabutang sa mas istriktong quarantine level o lockdown ang syudad kung dili mapugngan ang pagsaka sa COVID cases nga mitala og 105 cases sulod sa Sabado ug Domingo, Mayo 1-2.

Subay niini gipasabot ni Mayor Moreno nga ang kooperasyon sa katawhan pa gihapon ang dako og ikatabang nga mapugngan ang pagtakod sa virus.

Sa laing bahin, nanghimo na sab sa laing lakang ang City Health Office aron matubag ang posibleng problema nga masinatian sa syudad ilabi na kung magpadayun ang maong sitwasyon.

Leave a Reply

Your email address will not be published. Required fields are marked *