Pagtaas sa traffic incidents sa CDO, gika-alarma

Gika-alarma sa Traffic Enforcement Unit sa Cagayan de Oro City Police ang pagtaas sa ihap sa traffic incidents sa syudad.

Sigun ni Traffic Enforcement Unit, Chief Police Lt. Colonel Lorneol Ochate nga angayan dumdumon sa tanan labi na sa mga motorista ang road safety.

Una nang migawas sa data nga muabot sa 5,733 nga traffic incidents ang natala sa tuig 2022 mas taas nga ihap tandi sa 4,583 nga insidente sa kadalanan nga natala sa tuig 2021.

Nagpasabot kini nga dunay 26% nga pagtaas sa ihap, ug mu-average kini sa 16 ka traffic incidents nga matala sulod sa usa ka adlaw.

Subay niini, hugot nga nagpasidaan ang Traffic Enforcement Unit sa katawhan nga ning panahon sa pagbalaan sa Semana Santa kinahanglan nga mahimong alerto sa kadalanan aron likay sa unsa man nga mga insidente.