Pagtangtang sa listahan sa registered voters nga mipanaw na, gisugdan na!

Gihugtan sa Commission on Elections Northern Mindanao ang ilang koordinasyon sa nagkadaiyang local civil registry aron matangtang sa voter’s list ang mga botante nga mipanaw na.

Kini ang gibutyag ni Comelec-10 Regional Director Atty. Renato Magbutay isip kabahin sa ilang gihimo nga lakang aron masulbad ang problema sa mga namatay na nga botante nga nagpabilin pa gihapon sa voter’s list.

Pagpangandam sab kini aron mahimong hapsay ang dagan sa umaabot nga barangay ug sangguniang kabataang election sa Oktubre 30, ning tuig 2023.

Giklaro sab ni Atty. Magbutay nga walay paglapas niini sa data privacy act.

Subay niini, plantsado na ang tanang preparasyon sa Comelec sa umaabot nga eleksyon, diin na printa na ang tanang balota ingon man ang ubang election paraphernalias ug ang sunod niini ang pag-transport na lamang.

Leave a Reply

Your email address will not be published. Required fields are marked *