MAKATABANG sa pagmintina sa peace and order ang pagtibangay sa tanan.
Kini ang gibutyag ni Police Lt Col. Dennis Madriaga, Deputy Director for Operations sa Sarangani Provincial Police Office.
Segun niini ang tanang programa sa kapulisan sa karon aron mamintina ang kahusay ug kalinaw ang dili mapuslanon kondili suportahan sa katawhan.
Anaa matud pa ang MALASAKIT nga supplemented sa KASIMBAYANAN nga security framework sa Chief PNP.
Anaa usab ang Service with a Heart nga programa sa PNP Regional Director ug gidugangan sa project HORSE ug project BOMBILS, nga tanan nagtumong nga makapaduol sa katawhan, masuportahan sila sa ilang panginahanglanon dungan sa pagmintina sa seguridad ug kalambuan sa lugar.
Gawas pa kini sa padayung anti criminality campaign nga makatabang sa pagpabiling hapsay ug malinawon sa lugar.
Gani, gibutyag ni Madriaga tungod sa mga bag-ong programa sama sa project HORSE ug BOMBILS, may mga accomplishment ang kapulisan sama sa pagkadiskubre sa arms cache ug mga supplies nga iyaha sa mga rebelde, ug may mga pagsurender usab sa walhong grupo.
Dungan niini, mapasalamaton usab ang kapulisan ngadto sa media nga nakatabang usab aron paspas mapaabot sa katawhan ang ilang mga serbisyo ug mga programa.