Patay ru sangka pahenante it truck matapos maigpit sa nagbanggaang truck ag van sa Brgy. Tabayon, Banga, Aklan alas 2:00 kainat aga-aga, Mayo 10.
Sa initial nga imbistigasyon it BRIGADA News FM Kalibo, gina maneho ru wing van ni Joemar Tenorio, 33 anyos ag residente it Pob. Ibajay, Aklan.
Samtang, gina maneho ni Arnel Nalangan, 46 anyos ag nakilaea man ru namatay nga pahenante it truck nga si Josua Meren, sa legal na edad ag residente it Brgy. Pampango, Libacao, Aklan.
Maga liko eon konta ru van kat gulping binangga it truck nga may kargang mga tinuean-on nga gina hatud konta sa banwa it Kalibo.
Nakatueogan sigun ru driver it truck rason nga natabo ru aksidente.
Dahil sa mabaskog nga impact sa pagka bangga, naigpit ru pahenante nga si Meren ag ikara eagi man nga gin respondihan it MDRRMO-Banga agud daehon sa hospital.
Gin deklara it doctor nga dead on arrival sa hospital.
Sa makaron, temporaryong naka detained sa Banga MPS rudriver it truck ag nagpadayon pa ru imbistigasyon.//MARIVIC Y. ILIN