Palasyo, tiniyak na handa ang gobyerno para sa planong transport strike sa Lunes

Tiniyak ng Malacañang sa publiko na naghanda ang gobyerno ng mga contingencies para matulungan ang mga commuters na maapektuhan ng weeklong transport strike sa susunod na linggo.

Ito ay sa kabila na sinasabi ng Malacañang na 94% ng mga jeepney drivers ay hindi makikilahok sa strike, bilang protesta sa nakaambang phaseout ng traditional jeepneys kaugnay sa public utility vehicle (PUV) modernization program.

Kabilang sa mga hakbang na gagawin ng pamahalaan ay ang deployment ng Philippine National Police (PNP) personnel para imonitor ang sitwasyon sa ground, maging ang pagpapanatili sa peace and order sa mga apektadong lugar at ruta.

Ayon sa Presidential Communications Office, inatasan din ang PNP na i-mobilize ang kanilang regional assets sa pamamagitan ng pagdeploy ng 41 transport vehicles na magsasakay sa mga commuters papunta sa kanilang destinasyon.

Parehong hakbang din ang gagawin ng Metropolitan Manila Development Authority (MMDA), Department of Transportation (DOTr) at Armed Forces of the Philippines (AFP).

Leave a Reply

Your email address will not be published. Required fields are marked *