BATAAN – Binabalak ng pamahalaang panlalawigan ng Bataan ang pagpapatayo ng Philippine Sport Training Center sa lalawigan.
Ito ay para magsilbing pasilidad para sa mga malakihang palaro at pagsasanay ng mga atletang pilipino batay sa isinasaad ng batas may kaugnayan sa pagpapatayo ng mga sport complex.
Matatandaan na noong lunes, May 10 ay nagkaroon ng pagpupulong ang mga kinatawan ng Philippines Sport Commission at ilang mataas na opisyal ng kapitolyo at nagsagawa ng ocular inspection sa proposed site sa barangay Cabog-Cabog, Balanga City.
Samantala, laking pasasalamat ng pamahalaang panlalawigan sa Philippine Sports Commission sa tiwala at oportunidad na ito na makatulong pa maiangat pa ng husto ang larangan ng sports sa bansa. // JEFF VALDES – BNFM OLONGAPO
Photo Courtesy: Abet Garcia
