Nagapreparar na ang pambato sang Capiz para sa Hari ng Pilipinas 2023 nga pagahiwaton sa bulan sang Disyembre.
Sa interview sang Brigada News FM Roxas City kay Mr. Joshua Lebirato Baltero, 23-anyos, ginpahayag sini nga nagapreparar siya sa nasambit nga kompetisyon pinaagi sa pag-work out agud mangin fit ang iya lawas kag paghanas sa question and answer.
Igawaragwag man ni Baltero ang iya adbokasiya nga spread awareness in “Teenage Pregnancy” kun sa diin nagagamit sila sang nagkalain-lain nga platform agud maghatag sang guidance kag ma-educate ang mga kabataan indi lamang ang mga babayi kundi pati man ang mga kalalakihan.
Suno naman kay Mr. Mark Kevin Balbona, HNP-Capiz Provincial Director kag nagaserbi trainor ni Baltero, ginpahayag sini nga magluwas sa paghanas sa pambato sang Capiz sa Q&A, ila ginapreparahan ang paghimo sang bag-o nga tourism video agud mas makilala pa gid sang bug-os nga Pilipinas ang probinsya kag luyag nila dulaon ang malain nga pagpati sang iban nga rehiyon nga may yara sang “Aswang” sa Capiz.
Sa karon, wala pa sang natalana nga petsa kun san-o gid pagahiwaton ang amo nga pageant bangud wala pa sang host province. | Judy Ann Juare