Pamilya nga sakay sa SUV nga nahagbong sa Drainage Canal, 2 ang patay ug ubay-ubay ang angol

Maayong pagkalagpot sa mga sakay sa SUV samtang nalambigit kini sa disgrasya sa kadalanan mga bandang alas-8 sa buntag adlaw nga Dominggo, Agosto 28 sa P-7, Kalingayan, Brgy. Bayugan 3, Rosario, Agusan del Sur.

Sumala sa report sa Rosario PNP nga samtang ginabaybay sa usa ka KIA Sportage nga gimaneuhan ni Archie Dipay, hingkod ang edad, residente sa Sitio Lumaban, Brgy. Rizal, Surigao City kauban ang pito ka mga pasahero nga gilangkuban nila Ernesto Dipay, Matias Dipay, Democrito Dipay, Nimfa Dipay, Rhea Jane Dipay, Hazel Ann Dipay ug Flora Lagaras, puros anaa sa hustong edad ug puros nagpuyo sa susamang lugar sa Surigao City.

Nasayran nga samtang ginabaybay sa maong sakyanan ang National Highway sa Rosario, Agusan del Sur paingon sa Davao City. Pag-abot sa Purok-7 Kalingayan, Brgy. Bayugan 3, Rosario, Agusan del Sur, gikaingong nakatulog ang drayber niini hinungdan sa pagkawala sa kontrol sa manobela ug misarasay ngadto na sa drainage canal sa maong highway.

Tungod sa maong panghitabo, nangalagpot sa sakyanan ang mga pasahero ug driver hinungdan nga naka-angkon kini ug bun-og, bali ug samad sa kadaiyang parte sa ilang kalawasan. Girespondehan gilayon sa SARAS Bayugan 3 ug gidala sa Bunawan District Hospital alang sa medikal nga atensyon.

Gideklarang dead-on-arrival ang duha ka mga pasahero nga gilangkuban nila Ernesto Dipay ug Flora Lagaras tungod sa mga bun-og nga naangkon sa maong nga aksidente. Padayon pang nagpaalim sa balay tambalanan ang ubang sakay sa maong vehikulo ug gipahiluna ang patayng lawas sa mga gihikabsan.
-END-