Pamilya ni Jullebee Ranara, humingi ng privacy sa pagsisimula ng burol ng OFW

Umapela ng privacy ang pamilya ng napatay na si Jullebee Ranara sa pagsisimula ng burol ng OFW sa kanyang tahanan sa Las Piñas City.

Mahigpit na binabantayan ang lugar ng burol ni Ranara, kasama ang mga pulis, traffic enforcers at mga tauhan ng Overseas Workers Welfare Administration o OWWA.

Matatandaang dumating sa Pilipinas noong Biyernes ng gabi ang labi ni Ranara mula sa Kuwait.

Bago ang burol, nakipagpulong si OWWA administrator Arnell Ignacio sa pamilya ni Ranara noong Sabado ng gabi.

Nagsagawa na ng autopsy ang National Bureau of Investigation sa labi ni Ranara upang matukoy ang mga pangyayari na humantong sa kanyang pagkamatay tulad ng hiniling ng kanyang pamilya.

Una rito, ang pagkamatay ni Ranara ay nagbunsod ng mga panawagan para sa deployment ban ng mga manggagawang Pilipino sa Kuwait at pagrepaso sa mga bilateral agreements sa pagitan ng Pilipinas at Kuwait.//CA

Leave a Reply

Your email address will not be published. Required fields are marked *