MIDANGOP na sa Commission on Human Rights (CHR) ang pamilya sa usa ka mag-uuma nga gikaengong gipatay sa sakop sa kasundalohan barangay Tambilil, Kiamba, Sarangani Province atong Hulyo 27. Nagpugong nga mapagawas sa iyang kasuko ang sa anak sa napatay nga si Alvin Ponto, mag-uuma taga barangay Tambilil, Kkiamba, Sarangani Province.
Butyag ni Alimar, 21-anyos, kaniadto ginaawhag sila sa amahan nga mahimong sundalo apan karon dili na niya buot mahimong sundalo tungod sa nahitabong pagkamatay sa amahan.
Sa bahin usab ni Marilyn, misis sa napatay buot niya og hustisya sa iyang bana ug gihingusgan niini nga dili miyembro sa New People’s Army (NPA) ang mister inay kini ang asset sa kasundalohan.
Samtang, gisugdan na sa CHR-XII ang pagberipika sa mga impormasyon nga nakuha gikan sa pamilya ni Ponto. Aron makahimo og imbestigasyon ang ahensiya kalabut sa kamatayon ni Ponto nga base sa alegasyon sa pamilya gipatay sa kasundalohan. Kahibaloan nga sa mga pamahayag, gihimakak ni Lt.Col Michael Angelo Candole, commander sa 38th infantry battalion (IB) Philippine Army nga gipatay si Ponto apan giklaro nga namatay kini dungan sa gihimong operasyon. I Richel Gubalani