HUSTISYA ang ginapangayo sa pamilya Linog sa nahitabo sa ilang amahan nga gitabangan og kulata sa usa ka Road Rage sa dalang Jose Catolico, Barangay Lagao, General Santos City September 16 sa hapon.
Sumala kay Harifa Linog dili siya makatuo nga buhaton kadto sa mga tricycle drivers kay wala man sala ang iyang bana, niadto daw sila sa syudad aron mamalit sa ilang panginahanglan sa uma, unya nagpatahi sa uniform sa ilang mga estudyante.
Gumikan niini gipahayag sa asawa nga angayang ma priso ang naghimo sa ingon.
Samtang usa sa nakatabang sa biktima nga si Ameruden mao si alyas Jek-jek,nga taga Barangay San Isidro,sumala niini nga nakaagi lang siya sa dapit nga nahitaboan ug gibati niini ang tuman nga kaluoy sa biktima nga edaran na unya nakita daw niini nga gibunalan ug kahoy unya bangko sa tricyle mao nga grabe na lang ang iyang syagit nga tama na.
Kuyog ni alyas Jek-jek sa pagdala sa tambalanan sa biktima mao si alyas Van nga taga Barangay Katangawan,katulo pa sila napalungan sa tricycle bag-o nakaabot sa Dr. Jorge P. Royeca Hospital,nalipay usab sila nga nakauli na sa ilang balay ang ilang natabangan. I Ver Diazon