Pananao nin cash cards kan mga benepisyaryo kan UCT Listahanan sa rehiyon, maarangkada na sa ika apat na kwarter kan taon – DSWD-Bicol

BICOL – MARERESIBE na kan mga benepisyaryo kan  Unconditional Cash Transfer o UCT Listahanan an saindang mga cash cards antes matapos  an taon.

Ini an  kinumpirmar mismo kan  Department of Social Welfare and Development o DSWD-Bicol.

Base sa ipinaluwas na public advvisory, presente soboot na  nasa proseso an DSWD-Bicol asin  Lanbank of the Philippines (LBP) sa pagpapakaray kan mga cashcards.

Piglalaoman man soboot na  mapupunan an pananao kaini sa mga benepisyaryo kan  programa sa rehiyon sa ika apat na kwarter kan  taon.

Segun  pa sa ahensya, iaagi man soboot  sa paagi kan  sinambit na  mga cashcards an pananao nin  grants para sa mga benepisyaryo na dai nakakua kan nakalihis na  taon 2018 hasta 2019.

Padagos man na pig aantabayanan  an mga benepisyaryo sa saindang  official social media pages para sa dugang na update  dapit sa nasabing programa.

An UCT  an sarong  programa na nakapalaman sa Tax Reform for Accelaration an Inclusin (TRAIN) Law para magtao nin  ayuda sa mga tios na maapektaran  sa pagtaas kan mga pangenot na  barakalon kun saen pigdeterminaran  an mga benepisyaryo kaini  gamit  an  resulta kan  Listahanan kan DSWD.