Pangulong Duterte, nanindigan sa face shield protocol

Nanindigan si Pangulong Rodrigo Duterte na ang maliit na abala na dulot ng pagsusuot ng face shield ay isa umano sa dapat ng kasanayan, dahil ito ay nakakatulong sa pagdepensa laban sa COVID-19.

Sa kaniyang taped address, sinabi ng pangulo na mas mainam na umano na maabala kaysa dapuan o di kaya’y mamatay dahil sa sakit lalo ngayon na mayroong Delta variant na pati bata ay nahahawa na.

Matatandaan na hinihikayat ni Manila Mayor Isko Moreno ang gobyerno na itigil na ang pagoobliga na magsuot ng faceshield, at ituon na lamang ang atensyon sa pagbili ng mga gamot para sa pasyente ng COVID-19 gaya ng remdesivir at tocilizumab.

Sinagot ito ni vaccine czar and National Task Force Against COVID-19 Carlito Galvez, Jr. sa parehong taped address at sinabing nagkukulang na ang suplay ng mga nasabing gamot sa Pilipinas dahil sa kakulangan rin ng global suplay.

Leave a Reply

Your email address will not be published. Required fields are marked *