NABASA ang tanang gamit sulod sa balay ni Connie Coquilla nga nahimutang sa Purok Changco 1-B, Barangay Bawing, Gensan, human kini gisulod og tubig-baha adlawng miyerkules.
Gani, tungod sa nahitabo ang mga silingan niini mitabang sab sa pagpanghinlo sa ilahang balay. Matud ni Connie, ikatulo ka higayon na nga gisulod sa tubig-baha ang ilahang pinuy-anan tungod walay kanal ang lugar nga puwedeng malutsan sa tubig.
Nanawagan kini sa mga opisyal sa Barangay Bawing nga unta mabutangan og kanal ang ilahang lugar. Gibutyag sab ni Purok Chairwoman Jenny Bentayo nga aduna na silay gihimo nga pamaagi aron masolusyonan ang problema sa tag-iya. Gani, takda na sab nga moadto ang mga personahe sa BSWD sa lugar aron maghatod og hinabang.
Sa karon padayon nga gihipos sa tagbalay ang mga gamit ug gibulad sa init ang nangabasa nila nga mga sanina ug temporaryo sa silang natulog sa balay sa ilahang silingan. I Enamie Mogpon