Panukalang naglalayung palawigin ang termino ng barangay at SK officials, inihain sa Kamara

Pormal nang inihain ni Cagayan de Oro 2nd district Rep. Rufus Rodriguez ang panukala na naglalayong palawigin pa ang termino ng barangay and Sangguniang Kabataan (SK) officials.

Sa ilalim ng House Bill (HB) No. 7123, nais paabutin ng limang taon ang termino ng mga barangay officials mula sa tatlong taon.

Sakaling maging ganap na batas, aamyendahan ng panukala ang Section 43 ng Local Government code kung saan ang mga barangay at SK officials ay nagkakaroon ng tatlong taon at tatlong sunod-sunod na term limit.

Ayon kay Rodriguez, hindi sapat ang tatlong taon para masiguro na maipapatupad ng maayos ang mga programa sa mga barangay, lalo na’t hindi naman maipagkakaila na ang huling taon ng termino ay nagagamit para sa kampanya.

Leave a Reply

Your email address will not be published. Required fields are marked *