LEGAZPI CITY – Nakua kan sarong empleyado kan Department of Education (DEPED) na hale sa National Catanduanes High School sa probinsya kan Catanduanes an kampeonato sa 123rd Philippine Civil Service Anniversary Painting Contest sa sarong mall sa syudad kan Legazpi.
Binisto ining si Noel Villanueva, sarong paratukdo.
“Kape” an titulo kan saiyang ipininta sa contest, simbolo nin kaogmahan asin katrangkilohan sa pagpapaingalo kaibahan an saiyang pamilya.
Saro sa saiyang naging inspirasyon, dakol na mga paratukdo na dai na pig-iisip an saindang kapagalan dawa pa dakol an gusto mag-uli sa saindang harong.
Asin pag nakabalik man sa saindang harong, maogma ining mainom nin kape kaiba an saiyang pamilya
Si Villanueva, nakaresibe nin P10,000 na cash prize.
Mientrasranto, 1st Runner Up sa kompetisyon si Frinces Ezra Carrulo na empleyado nin Tabaco Water District na nagpinta kan The Last Supper, mantang 2nd Runner Up si Atty. John Eric Tizon kan DENR-EMB Bicol.//