NAGAPASALAMAT ang kura paroko sa Holy Cross Calumpang nga si Fr. Stanley Baldon sa mga katawhan nga nitabang sa mga bulohaton sa Semana Santa hangtud sa Easter Sunday.
Sumala kay Fr. Baldon nga daghan ang katawhan nga nisimba sugod sa ilang Salubong hangtud sa nisunod nga mga misa,ang iyang mensahe sa katawhan nga mokuha og kusog sa pagtuo nga ilang gipanukaran sa Holy Week hangtud sa pagkabanhaw.
Usa sa nisimba ang photographer nga si Rudy Narrido,sumala niini nga kuyog niya ang iyang pamilya sa pagsimba ug nagapasalamat siya sa taas nga holiday unya ang iyang ikasulti nga dapat may kausaban sa mga katawhan nga nakabaton ug kapasayloan sa mga sala pinaagi kay Ginoong Hesukristo.
Halin usab ang bulak nga sampaguita nga ginabaligya sa gawas sa simbahan,sumala kay Mary Jane Gabaiz nga kaadlawon pa sila nagsugod sa pamaligya. I Ver Diazon