Pasturan at Davis, tinanggap ang ‘sorry’ ni Amores

Nagpulong ang Philippine Sports Commission (PSC) kasama ang mga representatives ng Samahang Basketbol ng Pilipinas (SBP), National Collegiate Athletic Association (NCAA), pati na rin ang FilOil EcoOil Centre upang pag-usapan ang nangyaring issue ni Jose Rizal University (JRU) player John Amores.

Ayon sa PSC, agenda ng pagpupulong na malaman kung ano ang nangyari at ano ang mga hakbang na maaaring nilang ihanda upang mas mapabuti ang komunidad ng amateur sports.

Pinasalamatan din ng nasabing komisyon ang lahat ng naging parte ng pagbuo nila ng mga rekomendasyon gaya ng resource speaker na si sports psychologist Dr. Karen Trinidad.

Hindi naman isinapubliko ang mga napag-usapan sa pagpupulong, ngunit kinumpirma ng PCS na handa silang magbigay ng counseling kay Amores.

Samantala, tinanggap naman nina Jimboy Pasturan at Taine Davis ang harap-harapang paghingi ng tawad ni Amores.

Ayon kay Blazers head coach Charles Tiu, bumisita si Amores sa practice gym ng College of St. Benilde upang humingi ng tawad.

Nagpapasalamat sina Pasturan sa paghingi ng tawad ni Amores, at taos puso nila itong tinatanggap. // SMM (NCAA PHOTO)

Leave a Reply

Your email address will not be published. Required fields are marked *