Patay na lalaki natagpuan ng mga residente sa Sorsogon City

SORSOGON CITY- Isang patay na lalaki ang bumungad sa mga residente kaninang alas 4:30 ng madaling araw sa Brgy Roro, Sorsogon City.

Kinilala ito na si Cesmer Lacao Laureta, 28 anyos, binata, empleyado ng Peter and Paul Corporatioon at residente ng Brgy Macabog ng nasabing lungsod.

Sa inisyal na imbestigasyon ng Sorsogon City Police Station, lumabas na isang vehicular self-accident ang nangyare sa indibdiwal kung saan hindi pagsuot ng helmet ang naging sanhi ng pagkamatay ng biktima nang ma slide ito sa madulas na outer lane ng kalsada at tumama ang ulo sa gate ng isang bahay.

Agad namang naireport ng mga residente sa CDRRMO ang natuklasang pangyayare subalit wala na itong buhay dahil sa dami ng dugong tumagas mula sa ulo nito dulot ng lakas ng pagkakauntog sa gate.

Kasalukuyang nasa San Antonio Funeral Homes sa Brgy Talisay ng lungsod ang labi ng biktima para isailalim sa awtopsiya.

Leave a Reply

Your email address will not be published. Required fields are marked *