MALAY, AKLAN—Napadpad sa baybayon nga sakop it isla it Boracay do sangka patay nga balyena.
Suno kay Ernesto Bandiola Cruz, nakita raya kahapon ni Dennis Casimero sa baybayon it Sitio Sugod, Manocmanoc, Boracay.
Bangud man sa mabaskog nga baeod hay inapok paadto sa Kaman-ulan beach do nasambit nga sperm whale ag igto eon raya nakita kaina it agahon.
Nasayuran, nga nagaagnas eon do bahin it eawas kara nga maikumpara do kabahoeon sa isang pumpboat nga 40 pax do kapasidad. // SHERRY ANNE REUNIR-VIDAL