PBBM, tiniyak sa mga Japanese shipping companies na makikipagtulungan ang gobyerno sa pangangailangan ng mga Filipino seamen

Tiniyak ni Pangulong Ferdinand Marcos Jr. sa mga shipping companies na makikipagtulungan ang gobyerno para masigurong matutugunan ang pangangailangan ng mga ito ng mga magagaling na Filipino seamen.

Sa pagdalo sa shipowners’ meeting sa Tokyo, Japan, sinabi ng Pangulo na ang pagkuha ng mga Filipino cadets ng mga Japanese shipowners ay nagsisiguro sa sustainability ng manpower resource pipeline ng bansa.

Nagpasalamat rin ang Pangulo sa mga negosyong inilagak ng Japanese shipowners sa Canlubang,Laguna at Bataan partikular sa maritime training na nakapagtala ng 1,200 cadets kada taon.

Umaasa rin si Marcos na gagaya rin ang iba pang international shipping associations na kumuha ng Pinoy seamen at magtayo ng training schools para sa mga estudyanteng nais na mag-seaman.

Samantala, tiniyak naman ng mga Japanese shipowners kay Marcos ang patuloy na hiring ng mga Pinoy seamen para magtrabaho sa kanilang mga barko.//CA

Leave a Reply

Your email address will not be published. Required fields are marked *