Naniniwala si Chito Salazar ng PBED na magdudulot ng pressure sa Private Basic Education units ang mungkahing pagtataas ng sahod ng mga guro.
Ito ay matapos imungkahi ni incoming Department of Education (DepEd) chief Sonny Angara ang pagtataas ng sahod ng mga guro ng hanggang P50,000.
Ani Salazar, posibleng mawalan na ng teacher ang ilang private schools sakaling hindi ma-meet ang sahod na ipatutupad ng DepEd.
Samantala, bagaman naniniwala raw ito na mahalaga ang teachers sa bansa, sinabi ni Salazar na hindi siya naniniwala na ang salary ang magiging sapat na dahilan para maging mabuti ang kalidad ng pagtuturo.
Dapat daw tingnan pa ang ibang aspeto gaya ng teacher education institution.