PCCI umapela sa gobyerno na i-waive ang license fees sa maliliit na negosyo

Hinimok ng Philippine Chamber of Commerce and Industry (PCCI) ang national at local governments na i-waive ang license fees para sa mga maliliit na negosyo.

Ayon kay PCCI chairman Sergio Ortiz-Luiz Jr., talagang hirap ang mga negosyante at marami nang nagsarang negosyo kaya kung maaari ay bawasan o tanggalin na lang ang license fees para makatulong sa mga small businesses.

Aniya, kung di matutulungan ang maliliit na industriya, matatagalang maka-recover ang mga ito.

Mababatid na isinailalim ang National Capital Region (NCR) at mga kalapit nitong probinsya sa modified enhanced community quarantine hanggang April 30 kasunod ng surge ng COVID-19 cases.

Sa ilalim ng MECQ, mga 18 hanggang 65 anyos lamang na kukuha ng essential goods at services at mga nagtatrabaho sa qualified industries ang pwedeng lumabas ng bahay habang pinapayagang mag-operate ang ilang industriya sa limitadong kapasidad.

Leave a Reply

Your email address will not be published. Required fields are marked *