PDEA-10 mahimong imbitahan sa Konseho aron ibutyag ang resulta sa drug test sa mga konsehal

Mamahimo matud pa nga imbitahon sa Konseho ning syudad sa Cagayan de Oro ang Philippine Drug Enforcement Agency Northern Mindanao aron ibutyag atol sa session ang resulta sa drug test sa tanang konsehal sa syudad.

Kini ang gibutyag ni Committee on Police, Fire and Public Safety Chairman Councilor Romeo Calizo homan nga daghan ang ga-atang sa resulta niini, diin gihimo kini niadtong pang bulan sa Agosto.

Hinuon gikompirma ni Konsehal Calizo nga nahuptan na sa matag Konsehal ang ilahang resulta sa drug test ug gipatugyan nasab kanila ang pagbutyag niini sa publiko.

Una nang gipasabot sa Konsehal nga wala siya’y nakita nga problema kung mapahibalo ang resulta sa drug test, apan gitahod nila kung unsa ang proseso sa PDEA kalabot niini.

Leave a Reply

Your email address will not be published.