Patay na sang nasapwan ang 59-anyos nga Person Deprived of Liberty (PDL) sa sulod sang isolation cell sang Bureau of Jail Management and Penology (BJMP) Mambusao District Jail.
Nahibaluan nga nakit-an nalang nga nagabitay na ang biktima nga si Jhon Vito Felasol gamit ang iya habol kag ini ang nakahigot sa grills sang isolation cell.
Gintabangan pa ang biktima kag gindala sa Mambusao District Hospital apang ini ang gindeklarar sang doktor nga dead on arrival.
Matandaan nga nadakpan sa isa ka drug buy bust operation si Felasol sang gintingub nga pwersa sang PDEA-Capiz kag SDET Dumalag PNP sadtong Pebrero 27, 2023 kag ini ang gin-transfer sa kustodiya sang BJMP-Mambusao sadtong Marso 10 apang ini ang ginaalegar nga naghikog sang Marso 16, 2023 pagkatapos sang head count sang mismo nga adlaw.