Bumagsak sa lie detector test ang isang person deprived of liberty o PDL na nagsiwalat na nakita umano niya ang pagpatay sa isang high-profile inmate sa loob ng New Bilibid Prison.
Matatandaaan kasing isiniwalat ng naturang PDL na pinatay at hindi namatay sa COVID-19 ang ilang convicted druglords sa loob ng national penitentiary.
Boluntaryong sumailalim ang PDL sa lie detectoro polygraph test ng National Bureau of Invetigaton (NBI) pero bumagsak ang resulta nito.
Sa kabila niyan, sinabi ng NBI na hindi ito makaapekto sa kanilang imbestigasyon sa insidente.
Paliwanag nila, hindi rin naman admissible sa Korte ang resulta ng polygraph test.
Bago ito, una nang sinabi ng Bureau of Corrections at Department of Justice na ipauubaya na nila sa NBI ang imbestigasyon sa naturang rebelasyon ng PDL whistleblower.