Naka alerto eon ru Provincial Disaster Risk Reduction and Management Council (PDRRMC)-Aklan sa posibleng epekto it Super Typhoon Mawar ag may local name nga Betty.
Pumaguwa eon it advisory ru nasambit nga teatapan nga sa makaron hay naka high alert status ru bilog nga LGUs ag MDRRMOs.
Nangako man ru PDRRMC sa probinsya nga mag-angkon it 24/7 nga operasyon it Emergency Operations Center para sa monitoring sa daeagan it paniempo ag koordinasyon.
Sa makaron, nag apabilin gihapon nga kalmado ag makita ru sikat it adlaw sa bilog nga probinsya’t Aklan pero bukon gihapon it kampante ru publiko dahil indi parin masaligan ru daeagan it paniempo.
Padumdom it nasambit nga taeatapan sa publiko nga dapat maging mapagmatyag ag eagi nga mag-evacuate sa mga safe nga lugar particular eon sa mga low lying areas sa probinsya.//MARIVIC Y. ILIN