Pedicab ug trucks multahan og P2.5K kong muagi sa flyover

Hugot gipahimangnuan sa Traffic Management Unit sa Panabo City ang mga pedicab ug heavy trucks nga gidili ang pag-agi sa Panabo Flyover.

Kini human pipila ka pedicab drivers ang na isyuhan og citation tickets kagahapong adlawa, July 20,2020 hinungdan makabayad sila og penalty nga mokantidad og P2,500.00 tungod sa P500.00 nga disobedience to traffic sign, P500.00 sa paggamit sa Fast Lane o ang pag-agi sa Flyover, ug P1,500.00 alang sa Reckless Driving base sa City Ordinance 31-17 o ang Revised Traffic Code of Panabo City.

Sumala kang Traffic Unit-In Charge Alvin Ybanez, ubay-ubay na ka mga pedicab drayber ang miagi og seminar ug orientation bahin sa balaod trapiko ilabi na nga ang slow moving vehicles angay sa outermost lane sa highways ug city roads aron hanoy og agi ang fast moving vehicles.

Ang mga heavy vehicles gimanduan sab sa Traffic Management Unit nga dili gamiton ang Flyover tungod 20 Tons lang ang capacity niini ug aron usab dili makamulta sa kantidad  nga P2,500.00.

Alang sa mga reports o reklamo, etext ang TMU sa (084) 823-3029 o i-message sa Panabo City Traffic Management Unit Page ug mamahimong bisitahon mismo sa ilang opisina sa 1st Floor, Panabo City Gym. BNFM-DAVAO